पोखरा – दाङको तुलसीपुरमा सञ्चालन हुने स्व खुमबहादुर खड्का स्मृति राष्ट्रिय टेवल टेनिस प्रतियोगितामा कास्की जिल्लाबाट सहभागी हुन जाने खेलाडी तथा ब्यबस्थापकहरुलाई बुधबार बिदाइ गरिएको छ ।
कास्की जिल्ला खेलकुद बिकास समितिका अध्यक्ष तोरण बानियाँले खेलाडी हरुलाई सफलताको शुभकामना दिदै खेलाडीहरुको सम्पूर्ण ध्यान खेलमा लगाउन अनुरोध गरे ।
सो अबसर टेवुलटेनिस संघका अध्यक्ष उत्तम जोशीले कास्की जिल्लाको शिर उच्च पारेर फर्किन शुभकामना दिएका थिए । यहि पुस १६ गतेदेखि १८ सम्म प्रतियोगितामा कास्की बाट खेलाडीहरु दिपक राज गिरि, सुलभ केसी, अंकिता गुरुङ र अनिशा गौतम रहेका छन् भने ब्यबस्थापकमा संघका सदस्य कृष्ण रानाभाट र राहुल सुनार रहेका छन् ।
गतवर्ष चैत महिनामा हुने भनिएको प्रतियोगिता कोरोना महामारीका कारण रोकिएको थियो ।
उक्त प्रतियोगितामा बिजेताले ५ लाख ४३ हजार रुपैया जित्ने छन् । प्रतियोगिता नेपालमै सबैभन्दा ठुलो रासीको भएको समेत बताए । प्रतियोगितामा २५ जिल्लाका खेलाडीहरुको सहभागिता रहने छ भने ३ वटा विभागीय टोली हुनेछन् ।
तुलसीपुर उपमहानगरपालिका ६ स्थित टेबल टेनिस कर्भड हलमा हुने प्रतियोगितामा भाग लिने खेलाडीहरुलाई खानरबस्नको व्यवस्था गरिएको छ ।
खेलको उद्धघाटन लुम्बिनी प्रदेशका बनमन्त्री सुरेन्द्र हमालले गर्ने उक्त प्रतियोगिता ३ दिनसम्म चल्ने खेललाई सफल बनाउन १७ लाख बढी लागत लाग्ने अनुमान गरिएको छ । युथस अफ तुलसीपुरकोे आयोजना तथा दाङ जिल्ला टेबल टेनिस संघको प्राविधिक सहयोगमा प्रतियोगिता हुन लागेको हो