काठमाडौं । तिहार बिदापछि नेपाली बजारमा सुनचाँदीको मूल्य निरन्तर घटिरहेको छ। शुक्रबार एकैदिन तोलामा १२ हजार ६ सय रुपैयाँ घटेको सुनको भाउ आइतबार थप १ हजार ५ सय रुपैयाँले घटेको छ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ लाख ७० हजार २ सय रुपैयाँ कायम भएको छ। शुक्रबार सुन प्रतितोला २ लाख ७१ हजार ७ सय रुपैयाँमा कारोबार भएको थियो।
तिहारअघि सोमबार सुनको मूल्य प्रतितोला २ लाख ८४ हजार ३ सय रुपैयाँ रहेको थियो। यसअनुसार तिहारअघि र आजको मूल्य तुलना गर्दा सुन तोलामा १४ हजार १ सय रुपैयाँले सस्तिएको छ।
यस्तै, चाँदीको मूल्यमा पनि गिरावट आएको छ। महासंघका अनुसार आज चाँदी प्रतितोला ३ हजार ६ सय रुपैयाँ कायम भएको छ।
शुक्रबार चाँदी प्रतितोला ३ हजार ७ सय रुपैयाँमा कारोबार भएको थियो भने तिहारअघि यसको मूल्य ३ हजार ८ सय ५५ रुपैयाँ थियो। यसअनुसार तिहारअघि र आजको तुलनामा चाँदी तोलामा २ सय ५५ रुपैयाँले घटेको छ।
आजको सुनचाँदीको मूल्य:
-
सुन : प्रतितोला रु. २,७०,२००
-
चाँदी : प्रतितोला रु. ३,६००