काठमाडौं- पूर्व ऊर्जा, जलस्रोत तथा सिँचाइमन्त्री दीपक खड्कालाई निवासबाट बरामद भएको रकम सम्बन्धी अनुसन्धानका लागि आइतबार बिहान पक्राउ गरिएको गृहमन्त्री सुदन गुरुङले जानकारी दिएका छन् । गुरुङले सामाजिक सञ्जालमार्फत उक्त जानकारी दिएका हुन्।
गत २४ भदौमा भएको आन्दोलनका क्रममा खड्काको घरमा भएको तोडफोड र आगजनीपछि जलेका नेपाली तथा विदेशी नोट फेला परेका थिए। सोही घटनासँग सम्बन्धित रकमको स्रोतबारे अनुसन्धान गर्न उनलाई नियन्त्रणमा लिइएको हो।
यसअघि सम्पत्ति शुद्धीकरण अनुसन्धान विभागले खड्काको घरबाट जलेका नोटका टुक्रा र खरानी संकलन गरी अनुसन्धान अघि बढाएको थियो।
