काठमाडौं-सेयर बाँडफाँडमा अनियमितता गरेको आरोपमा नेपाल प्रहरीको केन्द्रीय अनुसन्धान ब्यूरो (सीआईबी) ले सन् नेपाल लाइफ इन्स्योरेन्सका सीईओ राजकुमार अर्याललाई पक्राउ गरेको छ ।
सेयर बाँडफाँटको विषयमा अनुसन्धानका लागि अर्याललाई पक्राउ गरिएको सीआईबीका प्रमुख एआईजी प्रमुख मनोज केसीले बताए । अर्यालले सोही कम्पनीमा कार्यरत कर्मचारीहरुलाई छुट्टयाएको सेयर बाँडफाँड सम्बन्धमा नियमनकारी निकायले माग गर्दा गलत विवरण भएको कागजात पेस गरेको आरोप छ ।
फरक फरक निकायमा फरक फरक तरिकाले विवरण पेस गरेको देखिन आएको हुँदा धितोपत्र बोर्डको प्रारम्भिक जाँचबुझ प्रतिवेदनको आधारमा समेत गम्भीर त्रुटि देखिएको प्रहरीले जनाएको छ । अर्याललाई आजै काठमाडौंको पुतलीसडकबाट पक्राउ गरिएको जनाएको छ ।
