काठमाडौं-विरामी बोकेर काठमाडौं आउँदै गरेका दुई वटा एम्वुलेन्स पहिरोले गर्दा वाटोमा थुनिदा दुई विरामीको मृत्यु भएको छ । सिन्धुलीको कमलामाई नगरपालिका ४ की ९४ वर्षीया टीकाकुमारी भुजेल र महोत्तरीको बर्दिवास नगरपालिका ८ का ४५ वर्षीय मानबहादुर सिंजालीको पहिरोले वाटो थुनिएका कारण एम्वुलेन्समा मृत्यु भएको हो ।
जिल्ला प्रहरी कार्यालय सिन्धुलीका एसपी गोविन्दराज काफ्लेले भुजेललाई बा२१च ७५२३ नम्बरको र सिंजालीलाई ज१च १७०८ नम्बरको एम्बुलेन्समार्फत उपचारका लागि काठमाडौं लगिदै गरेको बेला सिन्धुलीको सुनकोशी गाउँपालिका १ दुम्जास्थित टुपी डाँडा भन्ने ठाउँमा पहिरोले अड्किएका वताए ।
