काठमाडौं-नेपालले कठिन प्रतिस्पर्धी भारतलाई पेनाल्टी सुटआउटमा ४ २ को हराउँदै दक्षिण एसियाली फुटबल महासंघ (साफ) महिला च्याम्पियनसिपको फाइनल प्रवेश गरेको छ ।
त्रिपुरेश्वरस्थित दशरथ रंगशालामा आइतबार भएको दोस्रो सेमिफाइनलको निर्धारित ९० मिनेटमा दुवै टोलीबाट ११ गोल गरेपछि खेलको निर्णय पेनाल्टी सुटआउटबाट लिइएको थियो ।
पेनाल्टीमा भारतका लागि मनिषा र पुरुषोत्तम श्रीभाइकरले गोल गर्दा आशातलादेवी र चानु सोरोखाइबम भने चुके । आशालतादेवीको प्रहार पोलमा लागेर फर्किए सारोखाइबमको प्रहार वैकल्पिक गोलकिपर अन्जना रानामगरले बचाइन् ।
नेपालका लागि सावित्रा भण्डारी, गिता राना, सवीता रानमगर र अमिशा कार्कीले गोल गरे ।
निर्धारित समयमा नेपालका लागि सावित्रा भण्डारी र भारतका लागि संगीता बाँसफोरेले गोल गरे ।
खेलको ३१औं मिनेटमा नेपालले सुनौलो अवसरलाई गोलमा परिणत गर्न सकेन । सावित्रा भण्डारीको प्रहारलाई भारतीय गोलकिपर देवीवाङ्खेमले बचाइन् । रिबाउन्डमा अमिशा कार्कीको प्रहारलाई पनि उनैले गोलमा परिणत हुन दिइनन् ।
रेखा पौडेलले दोहोरो पहेंलो कार्डपछि रातो कार्ड ब्यहोर्दै मैदान छाडेपछि ५२औं मिनेटमा नेपाल १० खेलाडीमा समेटियो ।
रेखा पौडेलले दोहोरो पहेंलो कार्ड ब्यहोर्दै मैदान छाडेपछि ५२औं मिनेटमा नेपाल १० खेलाडीमा समेटियो । त्यसपछि तनावपूर्णस्थिती सृजना भएपछि खेल करिब १५ मिनेट रोकिएको थियो ।
खेलको ७२औं मिनेटमा संगीता बाँसफोरेको गोलमार्फत भारतले अग्रता लिएको थियो । उनले पेनाल्टी बक्स बाहिरबाट गरेको प्रहारले जाली चुम्यो । उक्त गोलपछि भारतीय खेलाडीले खुसीयाली मनाउँदै गर्दा रेफ्रीmले प्ले अनको ह्विसल बजाएपछि नेपालले बल अगाडि बढाउँदै नेपालले बराबरी गोल फर्काएको थियो । तर प्रीति राईको उक्त गोललाई रेफ्रीले मान्यता नदिएपछि फेरि तनावकोस्थिती सृजना भएको थियो ।
रेफ्रीको उक्त निर्णयमा नेपाली दर्शकले बोलत प्रहार गरेपछि खेल पुनः रोकियो । करिब १ घन्टा १५ मिनेट रोकिएपछि खेल सुरु भएको थियो । खेल १० मिनेट घटाइएको थियो ।
खेल सुरु भए लगत्तै सावित्राले नेपालका लागि बराबरी गोल फर्काइन् । त्यसपछि थप गोल निस्कन नसक्दा खेल पेनाल्टी सुटआउटसम्म पुगेको थियो ।नेपालले उपाधिका लागि बंगलादेशको सामना गर्नेछ । पहिलो सेमिफाइनलमा बंगलादेशले भुटानविरुद्ध ७(१ को फराकिलो जित निकालेको थियो ।
