पोखरा-सहकारी ठगीसहितका मुद्धामा पक्राउ परेका राष्ट्रिय स्वतन्त्र पार्टीका सभापति तथा पूर्वगृहमन्त्री रवि लामिछानेलाई थप १३ दिन हिरासतमा राख्न अदालतले अनुमति दिएको छ ।
प्रहरीले आइतबार चौथो पटक म्याद थपको लागि लामिछानेलाई कास्की जिल्ला अदालतमा उपस्थित गराएको थियो । न्यायाधीश नवराज दाहालको इजलासले १३ दिन थुनामा राखेर अनुसन्धान गर्न प्रहरीलाई अनुमति दिएको हो ।
सहकारी ठगीको आरोपमा कात्तिक २ गते पार्टी कार्यालयबाटै पक्राउ परेका लामिछाने कास्की प्रहरीको हिरासतमा छन् । उनी प्रवन्ध निर्देशक रहँदाका बखत सूर्यदर्शन सहकारीको करोडौँ रकम गोर्खा मिडिया नेटवर्क प्रालिका गैरकानुनी ढंगले प्रवाह भएको तथ्य फेला परेपछि समातिएका लामिछानेविरुद्ध सहकारी ठगी, संगठित अपराध र सम्पत्ति शुद्धिकरण मुद्दामा अनुसन्धान भैरहेको छ ।
