पोखरा- बोलेरो जीपको ठक्करवाट पोखराको मुस्ताङ्गचोकमा बिहीवार राति स्कुटर चालकको मृत्यु भएको छ । दुर्घटनामा सोही स्कुटरमा सवार अर्का युवक गम्भिर घाईते भएका छन ।
बिरौटाबाट पृथ्वीचोकतर्फ जाँदै गरेको ग ३ च १९०३ नम्बरको सिङ्गल क्याब बोलेरो जिपले बिहिबार राती १० बजेको समयमा राष्ट्रबैंक चोकदेखी मुस्ताङचोकतर्फ आउँदै गरेको ग ९ प ६१८५ नं.को स्कुटरलाई पोखरा १७ मुस्ताङचोकमा ठक्कर दिएको थियो । ठक्करवाट गम्भीर घाइते भएका स्कुटर चालक स्याङ्जाको फेदीखोला गाउँपालिका वडा नं.३ का २० वर्षीय विवेक रानाभाटलाई गण्डकी मेडिकल कलेज पोखरामा लगिएकोमा चिकित्सकले मृत घोषित गरेका थिए । स्कुटरको पछाडी बसेका गोरखाको सिरानचोक गाउँपालिका वडा नं.१ घर भई हाल पोखरा १७ घारीपाटन बस्ने २० बर्षिय प्रविन गुरुङको घाइते अवस्थामा गण्डकी मेडिकल कलेज पोखरामा नै उपचार भैरहेको प्रहरीले जनाएको छ ।
घटनापछि वडा प्रहरी कार्यालय बैदाम पोखराको टोलीले बोलेरो जिप र चालकलाई शुक्रबार विहान पोखरा ७ मासवारवाट पक्राउ गरेको छ ।
वोलेरो चालक चितवन इच्छाकामना गाँउपालिका ३ स्थायी वतन भएका वर्ष २० का देव बहादुर गुरुङलाई पक्राउ गरेर अनुसन्धान र कार्वाही प्रकृया अघि बढाईएको जिल्ला प्रहरी कार्यालय कास्कीले जनाएको छ ।
