काठमाडौं- रोजगार अनुमति प्रणाली ईपीएस अन्तर्गत भाषा तथा सीप परीक्षा उत्तीर्ण भएर पनि लामो समयसम्म दक्षिण कोरिया जान नपाएको भन्दै युवाहरूले काठमाडौंमा प्रदर्शन गरेका छन् ।
कृषि तथा पानीजहाज क्षेत्रका लागि भाषा उत्तीर्ण गरेर रोस्टरमा वर्षदिनभन्दा लामो समयसम्म नाम रहँदा पनि जान नपाएको भन्दै उनीहरूले मंगलबार माघ १३ काठमाडौंको माइतीघरमा प्रदर्शन गरेका हुन् ।
ईपीएस उत्तीर्ण गरेर रोस्टरमा रहेको दुई वर्षसम्म पनि रोजगारदाताको छनोटमा नपरे नाम हट्ने प्रावधान छ । प्रदर्शनमा उत्रिएका युवाले दुई वर्ष म्याद थप गर्न माग गरेका छन् ।
प्रर्दशनमा सहभागीले ईपीएसको लुट धन्दा बन्द गर, कृषि तथा पानीजहाजको रोस्टर अवधि थप गरलगायत प्लेकार्ड प्रदर्शन गरेका थिए ।
