भक्तपुर-राष्ट्र, राष्ट्रियता, धर्म संस्कृति नागरिक बचाउ महाअभियानका संयोजक दुर्गा प्रसाईं सोमबार फेरि पक्राउ परेका छन्। एकसाता अघि रिहा भएका प्रसाईलाई प्रहरीले सोमबार राति भक्तपुरस्थित निवासबाट पक्राउ गरेर जिल्ला प्रहरी परिसर, काठमाडौँका लगिएको छ ।
पटक पटक पक्राउ पर्दै आएका प्रसाई यसअघि माघ २३ मा काठमाडौँको दक्षिणकाली नगरपालिकास्थित चाल्नाखेलबाट पक्राउ गरिएको थियो। वीरगञ्जमा आयोजना गरिएको कार्यक्रममा सहभागी हुन जाँदा पक्राउ परेका थिए। दुई दिन प्रहरी हिरासतमा बसेका उनी माघ २५ मा हाजिरी जमानीमा छुटेका थिए।
त्यतिवेला प्रसाईंले निर्वाचन आचारसंहिता उल्लंघन गरेको भन्दै निर्वाचन आयोगले पत्राचार गरेपछि प्रहरीले पक्राउ गरेको थियो। अहिले पनि निर्वाचन आयोगले गरेको पत्राचारका आधारमा प्रसाईंलाई पक्राउ गरिएको प्रहरीले जनाएको छ।
