काठमाडौं-प्रतिनिधिसभा सदस्य निर्वाचनमा ललितुपर क्षेत्र नं २ मा राष्ट्रिय स्वतन्त्र पार्टी (रास्वपा) का उम्मेदावर जगदीश खरेल भारी मतका साथ विजयी भएका छन्।
ललितपुर क्षेत्र नं २ को निर्वाचन अधिकृत सम्झना सिम्खडा पुडासैनीका अनुसार खरेलले ३९ हजार ९४१ मत प्राप्त गरी विजयी भएका हुन्।
उनका निकटतम प्रतिस्पर्धी नेपाली कांग्रेसका प्रेमकृष्ण महर्जनले ७ हजार ४२० मत प्राप्त गरेका छन्।
त्यस्तै उज्यालो नेपाल पार्टीका उम्मेदवार राजाराम तण्डुकारले ५ हजार ५४७ मत र नेकपा (एमाले)का उम्मेदवार प्रेमबहादुर महर्जनले ४ हजार ५३६ प्राप्त गरेका छन्।
कुल ८९ हजार ८२ मतदाता रहेको ललितपुर(२ मा ३१ हजार ३५ महिला र ३० हजार ९४० पुरुष गरी ६१ हजार ९७५ जनाले मतदान गरेका थिए।
यस क्षेत्रमा राजनीतिक दलका र स्वतन्त्र गरी २३ जना उम्मेदवार थिए।
विजयी रास्वपा उम्मेदवार खरेल पूर्वसञ्चारमन्त्री पनि हुन्। उनी मन्त्री पदबाट राजीनामा दिँदै चुनावी प्रतिस्पर्धामा होमिएका थिए।
