काठमाडौं - धितोपत्र सम्बन्धी ऐन, २०६३ उल्लंघन गरेको आरोपमा सेयर कारोबारी दीपेन्द्र अग्रवाललाई सीआईबीले पक्राउ गरेकोछ ।
प्रहरीको केन्द्रीय अनुसन्धान ब्युरो (सीआईबी)ले काठमाडौँको चुनदेवीबाट शुक्रुबार अग्रवाललाई पक्राउ गरेको हो। यसअघि उनी शाउनमा पक्राउ परेर छुटेका थिए ।
नेपाल धितोपत्र बोर्डको प्रारम्भिक जाँचबुझ अनुसार अग्रवालले जोशी हाइड्रोपावर डेभलपमेन्ट कम्पनीको सेयर कारोबारमा भ्रामक सूचना सार्वजनिक गरी उच्च मूल्यमा शेयर बिक्री गर्दै करिब ४९ लाख १९ हजार रुपैयाँ अवैध नाफा आर्जन गरेको देखिएको छ।
प्रहरीले झुठो कारोबार र मूल्य प्रभावित गर्ने कसूरमा उनलाई पक्राउ परेको हो।
मोरङका ४२ वर्षीय अग्रवाललाई काठमाडौँ जिल्ला अदालतबाट पक्राउ अनुमति लिएर पक्राउ गरिएको हो। उनीमाथि अनुसन्धान अघि बढाइएको प्रहरीले बताएको छ।
